الثلاثاء، 17 أغسطس 2010

أنا عايزة اتجوز .. مش أنا لا



تعليقًا على مسلسل عايزة أتجوز في ناس بتقول ان المسلسل مزودها وأنه مبين ان البنات مدلوقة وحاجات ده

بالعكس المسلسل واقعي جدا وجسد أكبر معاناة بتبقة فيها البنت في مجتمعنا المُبجل

مجتمع بحمل البنت لوحدها مسئولية انها تتجوز و ان عدم جوازها ده مشكلة وانها لازم تتصرف

وده واضح في كل حلقة لحد دلوقتي .. كام مرة بيتقال لها ..اتصرفي !! كام مرة بنت اتخرجت واشتغلت سمعت الكلمة دي ؟؟

وتسمع الكلمة دي كل شوية ومن كل الناس على اختلاف الافعال المستخدمة

اتصرفي .. مشي حالك .. انتي هتفضلي كده كتير ؟؟ !! ما تتصرفي

طيب يعني هي البنت هتعمل ايه ؟؟

تضطر انها تستحمل انها تقف في طابور عرض او انها تظهر في المناسبات عشان الناس تشوفها

انها تقف في طابور قدام واحد عشان ينقي كأنه في سوق الجواري

أو طابور عرض قدام واحدة عايزة تنقي لابنها

ويارييييييييت في الاخر بيبقة عاجب

إلا ان البنت دايما تفضل تسمع كلمة

ا ت ص ر ف ي

تلاقي البنت نفسها بقت بين شقي الرحى ..

تقدم تنازلات ..

تعمل حاجات عمرها ما كانت مقتنعة بيها أصلا

بس عشان الناس تسكت .. بس عشان الناس تبطل تقول لها اتصرفي .. بس عشان الناس تبطل تبص لها نظرة شفقة أو شماتة أو أي نظرة ملهاش لازمة .. ملهاش غير معنى واحد

ياعييييييييينييييييي قاعدة لحد دلوقتي من غير جواز

ناس بتقول ان المسلسل بيّن أن البنات مدلوقة

لا البنات مش مدلوقين ولا حاجة .. بس المجتمع اللي زنقهم .. حطهم في سباق مع الزمن .. مفيش في ايديهم حاجة يعملوها

لكن الناس مبقاش عندها ايمان بالقدر

النااااااااااس

هي ي المشكلة الحقيقية .. ان الناس مفيش وراها حاجة غير الكلام .. الكلام المُحبط

اتصرفي .. شوفي البنات بتعمل ايه واعملي زيهم !! ؟؟

ده قدر ياناس قدر يا بشر

المسلسل نجاحه في انه عبر عن مشكلة دايما الناس بتعمل نفسها مش واخدة بالها منها بشكل صريح

وفي نفس الوقت كومدي

نيجي بقة للطرف الآخر من القضية

سبع البرومبة المبحوث عنه

البنت بيبقة كل تفكيرها هدفها الجواز .. هدف مشروع .. لاهو عيب ولا حرام

الجواز حق بيولوجي لكل الكائنات الحية

لكن بقة اللي مش مشروع

واحد يسمح لنفسه يدخل البيوت ويتفرج على بنات الناس لمجرد التسلية واهو ياكل جاتوه

وبعد كده يخلع بأي تلكيكة .. أصلها قصيرة .. اصل عييها مش ملونة .. أصلها مثقفة .. أصلها مش شبه مامتي .. أي تلكيكة لانه اصلا مفيش أي جدية في نيته

ويقوم يرجع الكلام للبنت تاني ان المشكلة فيها هي .. هي اللي معجبتش

ومن النماذج دي كتير .. في مجال الشغل عشان البنات تخلص له شغله مثلا ولا ساندوتشات ولا أي مصلحة لانه فاهم نوايهن ايه

ويفضل الضغط كله على البنت انها لازم تتصرف

انها لازم تكون بلاعة ... ايوة بلاعة

بلاعة مفتوحة توقع .. بس متوقعش أي حد .. توقع عريييييييس

وإلا تسمع جملة ما انتي اللي خايبة مش عارفة توقعي لك واحد

المشكلة كلها عند الناس .. الناس لازم يكون عندها ايمان بالقدر اكتر من كده ..

بالنسبة للبنت ..

لازم يبقة عندك قناعة داخلية ورضا تااااااام عن نفسك

وأي حد يقولك اتصرفي

تردي بمنتهى الثقة : أنا مش ناقصني حاجة وراضية جدًا عن حياتي واللي ربنا كاتبهولي ربنا هشوفه

وللحديث بقية مادام في العمر بقية ان شاء الله

الاثنين، 28 سبتمبر 2009

عايشين وخلاص


حال كتير من الشباب ...

بس هو ينفع يبقى الانسان عايش وخلاص ؟؟؟

من غير اهداف لحياته يسعى لتحقيقها ؟؟

عايشين وخلاص ..

ادينا قاعدين ...

ادينا مستنيين ...

جمل بسمعها كتير اوي ...

قاعدين ليه ؟؟ مستنيين ايه ؟؟؟

ودي تبقى عيشة لما يكون الانسان بلا اهداف

يعني مثلا اما اسأل واحدة اتخرجت بقالها مدة ..بتعملي ايه دلوقتي في حياتك ؟؟

ترد تقولي : مفيش .. قاعدة .. مستنية

قاعدة ليه ؟؟ مستنية ايه ؟؟

في حاجات كتير جدا ممكن نعملها تخلي لحياتنا معنى

ماشي بنت مش لاقية شغل .. مش شرط تشتغلي

ممكن تحفظي قران .. تكملي دراسة في العلوم الشرعية

على الاقل تحسي انك بتقضي وقتك في حاجة مفيدة

حتى الشباب ...

شباب كتير بمجرد ما يتخرج ويشتغل .. تبقى حياته روتينية مملة

رايح الشغل وجاي من الشغل .. من غير يفلسف حياته .. ويحط لشغله ده اهداف يسعى ليها

ليه حالنا بقة كده ؟؟؟

ليه ناس كتير مننا عايشين وخلاص ؟؟؟

الثلاثاء، 15 سبتمبر 2009

تعيش دماغي حرة مستقلة

عنوان أحد المدونات ؛ لفت انتباهي ...

فهذه الجملة مرتبطة لدينا بالأفلام العربية التي تجسد أحداث الاحتلال ..

وتخرج المظاهرات في الشوارع هاتفة ( تعيش مصر حرة مستقلة ) .

إذن فهذه الجملة مرتبطة بالاحتلال ...

ولكن هل يمكن أن يصل الاحتلال إلى الاحتلال الدماغي ؟؟؟

انواع الاحتلال عديدة قد يكون احتلال عسكري للارض .. احتلال اقتصادي ...

لكن هل يستطيع أحد أن يجبر آخر على اعتناق فكرة دون أن يكون مقتنعًا بها ..

لا أعتقد ..

حتى لو تظاهر البعض بأنه مقتنع بفكرة ...

لكن لن يستطيع أحد أن يحتل دماغه عنوة ...

ما أجمل هذا الشعار ...

فلتعش دماغي حرة مستقلة

الاثنين، 31 أغسطس 2009

سيل الأفكار المنسقة

كم منا تعرض لمثل هذا السيل من الأفكار !!!

ولكن المشكلة في هذا السيل عندما يأتي وأنت تستعد للنوم ...

تبدأ باغماض عينيك لتستعد للنوم واذا بك تجد سيل من الأفكار المنظمة المنسقة المرتبة ..

تتداعى في ذهنك وتتمنى أنك لو تهب واقفا لتسجل تلك الأفكار ولكن النوم يكون له الغلبة والانتصار

وعندما تستيقظ من النوم تجد أن هذا السيل قد جف وتبخر !!

وما يزيد الموضوع تعقيدا عندما تكون مستعدا للكتابة

وتجلس صافي الذهن ممسكًا بالقلم لتكتب او تسجل ..

ولكن تجد أن هذا الصفاء نوع من أنواع الفراغ الدماغي

ولا تجد ما تسجله ...

هل هذا تأكيد على مقولة تأتي الرياح بما لا تشتهي السفن ؟؟؟

الاثنين، 3 أغسطس 2009

لماذا ؟ Utopia

فقد اخترت هذا الاسم كاسم مستعار في أحد المنتديات

وكان التساؤل عن معنى اليوتوبيا وماذا تكون ؟

اليوتوبيا هي المدينة الفاضلة .. وكل من كان يناقشني في هذا الاسم

أن المدينة الفاضلة مكان ليس لها وجود سوى في خيال الفلاسفة

بالطبع المدينة الفاضلة يسوده الحب والخير والسلام وكل القيم والمثل العليا

ولكن اذا نظرنا إلى هذا التعريف من وجهة نظر إسلامية

سنجد أن الميدنة الفاضلة لها وجود ليس في خيال وعقول الفلاسفة فحسب .. وإنما في آخرة المؤمن

الجنة ...

نعم فالجنة هي ما يطمح إليها المؤمن ويسعى طوال حياته للوصول إليها

الجنة التي وعد الله بها المؤمن

بها كل شيء جميل يتمناه الإنسان

فأقول نعم المدينة الفاضلة لها وجود